ଶତାଧିକ ଗଞ୍ଜେଇ ବସ୍ତା ଜବତ

କଣ୍ଟାମାଳ: ବୌଦ୍ଧ ଜିଲ୍ଲା ମନମୁଣ୍ଡା ଥାନା ଶଗଡା ଫାଣ୍ଡି ଅଞ୍ଚଳରୁ ମନମୁଣ୍ଡା ପୁଲିସ ବ୍ୟାପକ ପରିମାଣର ଗଞ୍ଜେଇ ଜବତ କରିଥିବା ଜଣାପଡ଼ିଛି। ବିଶ୍ଵସ୍ତ ସୂତ୍ରରୁ ମିଳିଥିବା ସୂଚନା ଅନୁସାରେ ବୌଦ୍ଧ ଏସପି ରାଜ ପ୍ରସାଦଙ୍କ ନିର୍ଦ୍ଦେଶ କ୍ରମେ ବୌଦ୍ଧ ସ୍କ୍ବାର୍ଡ ଓ ମନମୁଣ୍ଡା ପୁଲିସ ମିଳିତ ଭାବରେ ଶଗଡା ଫାଣ୍ଡି ସିଗାଡି ଗ୍ରାମରେ ଚଢ଼ଉ କରି ଶତାଧିକ ବସ୍ତା ଗଞ୍ଜେଇ ଜବତ କରି ରାତି ୮ଟା ସମୟରେ ଏକ ଟ୍ରାକ୍ଟର ଯୋଗେ ମନମୁଣ୍ଡା ଥାନାକୁ ଅଣା ଯାଇଥିବା ଜଣାପଡ଼ିଛି। ଏ ସମ୍ପର୍କରେ ମନମୁଣ୍ଡା ଥାନାଧିକାରୀ ଅଶ୍ୱିନୀ ଭିତିରିଆଙ୍କୁ ପଚାରିବାରୁ ଆସନ୍ତାକାଲି (ଗୁରୁବାର) ସବିଶେଷ ତଥ୍ୟ ପ୍ରଦାନ କରାଯିବ ବୋଲି କହିଛନ୍ତି।କନ୍ଧମାଳ ଜିଲ୍ଲାରୁ ସମ୍ବଲପୁର, ଦେବଗଡ଼, ବଲାଙ୍ଗୀର ଓ ସୋନପୁରକୁ ଗଞ୍ଜେଇ ଚୋରା ଚାଲାଣ କରିବା ପାଇଁ ମନମୁଣ୍ଡା ମୁଖ୍ୟ ରାସ୍ତା ପାଲଟିଛି ବୋଲି ଚର୍ଚ୍ଚା ହେଉଛି। ବେଆଇନ ଭାବେ ଚାଲାଣ ହେଉଥିବା ଗଂଜେଇକୁ ପୁଲିସ ଅନେକ ସମୟରେ ଅତର୍କିତ ଚଢ଼ଉ କରି ଧରୁଛି। କିନ୍ତୁ ଅଭିଯୁକ୍ତମାନେ ଅନେକ ସମୟରେ ଖସିଯାଉଛନ୍ତି।