ଅର୍ଥନୈତିକ ସର୍ଭେ ୨୦୨୪: ସେବା କ୍ଷେତ୍ରରେ ସର୍ବାଧିକ ନିଯୁକ୍ତି ସୃଷ୍ଟି, ଖାଦ୍ୟ ଦରଦାମ୍ ବୃଦ୍ଧି ଯୋଗୁ ବିଶ୍ୱବ୍ୟାପୀ ଆହ୍ବାନ

ନୂଆଦିଲ୍ଲୀ: ଅର୍ଥମନ୍ତ୍ରୀ ନିର୍ମଳା ସୀତାରମଣ ଗତ ୨୦୨୩-୨୪ ଆର୍ଥିକ ବର୍ଷର ଅର୍ଥନୈତିକ ସର୍ଭେ ଲୋକସଭାରେ ଉପସ୍ଥାପନ କରିଛନ୍ତି। ସର୍ବେକ୍ଷଣ ଅନୁଯାୟୀ ୨୦୨୪-୨୫ ଆର୍ଥିକ ବର୍ଷରେ ଭାରତର ଜିଡିପି ୬.୫ରୁ ୭ ପ୍ରତିଶତ ହେବ ବୋଲି ଆକଳନ କରାଯାଇଛି।ଚଳିତ ଆର୍ଥିକ ବର୍ଷରେ ମୁଦ୍ରାସ୍ଫୀତି ହାର ୪.୫ ପ୍ରତିଶତ ହୋଇଥିବାବେଳେ ୨୦୨୫-୨୬ ଆର୍ଥିକ ବର୍ଷରେ ମୁଦ୍ରାସ୍ଫୀତି ହାର ୪.୧ ପ୍ରତିଶତ ହେବ ବୋଲି ଆକଳନ କରାଯାଇଛି। ଅର୍ଥନୈତିକ ସର୍ବେକ୍ଷଣରେ ଯାହା କିଛି ପରାମର୍ଶ ଦିଆଯାଇଛି ଅର୍ଥନୀତିକୁ ଉତ୍ସାହିତ କରିବା ପାଇଁ ବଜେଟରେ ଏହାର ଝଲକ ଦେଖିବାକୁ ମିଳିବ ବୋଲି ଅନୁମାନ କରାଯାଉଛି।କୃଷି ଛାଡିଥିବା ଶ୍ରମିକମାନଙ୍କ ପାଇଁ ରୋଜଗାରର ଆବଶ୍ୟକତା! ଊପରେ ସର୍ଭେରେ ଗୁରୁତ୍ବାରୋପ କରାଯାଇଛି। ରୋଜଗାର ସମ୍ବନ୍ଧରେ, ଅର୍ଥନୈତିକ ସର୍ଭେରେ କୁହାଯାଇଛି ଯେ ସେବା କ୍ଷେତ୍ର ହେଉଛି ସର୍ବାଧିକ ନିଯୁକ୍ତି ସୃଷ୍ଟି କରୁଥିବା କ୍ଷେତ୍ର। ଭିତ୍ତିଭୂମିକୁ ମଜବୁତ କରିବାକୁ ସରକାରଙ୍କ ଗୁରୁତ୍ୱ ହେତୁ ନିର୍ମାଣ କ୍ଷେତ୍ର ଦ୍ରୁତ ଗତିରେ ବିକାଶ କରୁଛି।ସର୍ଭେ ଅନୁଯାୟୀ, ନିର୍ମାଣ କ୍ଷେତ୍ରରେ ରୋଜଗାର ଅସଂଗଠିତ ଏବଂ ଦରମା ବହୁତ କମ୍, ତେଣୁ କୃଷି ଛାଡ଼ି ଶ୍ରମିକମାନଙ୍କ ପାଇଁ ନୂତନ ରୋଜଗାରର ସୁଯୋଗ ସୃଷ୍ଟି କରିବାର ଆବଶ୍ୟକତା ରହିଛି । ସର୍ବେକ୍ଷଣରେ କୁହାଯାଇଛି ଯେ ଖରାପ ଋଣର ଉତ୍ତରାଧିକାରୀ ହେତୁ ଗତ ଦଶନ୍ଧିରେ ଉତ୍ପାଦନ କ୍ଷେତ୍ରରେ କମ୍ ନିଯୁକ୍ତି ସୃଷ୍ଟି ହୋଇଛି, କିନ୍ତୁ ଆର୍ଥିକ ବର୍ଷ ୨୦୨୧-୨୨ ରୁ ଏହି କ୍ଷେତ୍ରରେ ନିଯୁକ୍ତି ସୁଯୋଗ ବୃଦ୍ଧି ପାଇଛି।ଖାଦ୍ୟ ଦରଦାମ୍ ବୃଦ୍ଧି ବିଶ୍ୱବ୍ୟାପୀ ଆହ୍ବାନ ସୃଷ୍ଟି କରିଛି। ସର୍ବେକ୍ଷଣ ଅନୁଯାୟୀ, ଗତ ଦୁଇ ବର୍ଷ ଧରି ଖାଦ୍ୟ ମୁଦ୍ରାସ୍ଫୀତି ସମଗ୍ର ବିଶ୍ୱ ପାଇଁ ଏକ ଚ୍ୟାଲେଞ୍ଜ ହୋଇ ରହିଛି। ଭାରତର କୃଷି କ୍ଷେତ୍ର ଖରାପ ପାଗର ଶିକାର ହୋଇଛି।ଜଳ ଭଣ୍ଡାରର ହ୍ରାସ ଯୋଗୁ ଫସଲରେ କ୍ଷତି ଘଟିଛି ଯାହା ଖାଦ୍ୟ ଉତ୍ପାଦନରେ ହ୍ରାସ ଘଟାଉଛି ଏବଂ ଏହି କାରଣରୁ ଖାଦ୍ୟ ସାମଗ୍ରୀର ମୂଲ୍ୟ ବଢୁଛି। ଫଲରେ ୨୦୨୨-୨୩ ଆର୍ଥିକ ବର୍ଷରେ ଖାଦ୍ୟ ମୁଦ୍ରାସ୍ଫୀତି ହାର ୬,୬ ପ୍ରତିଶତ ଥିଲା, ୨୦୨୩-୨୪ଆର୍ଥିକ ବର୍ଷରେ ଏହା ୭.୫ ପ୍ରତିଶତକୁ ବୃଦ୍ଧି ପାଇଛି।