ଅଗଷ୍ଟ ୨ରେ ଖୋଲିବ ଓଲା ଆଇପିଓ

ମୁମ୍ବାଇ: ଇଲେକ୍ଟ୍ରିକ୍ ଦୁଇ ଚକିଆ କମ୍ପାନୀ ଓଲା ଇଲେକ୍ଟ୍ରିକ୍ ମୋବିଲିଟିର ପ୍ରାରମ୍ଭିକ ପବ୍ଲିକ ଅଫର (ଆଇପିଓ) ଅଗଷ୍ଟ ୨ରୁ ଖୋଲିବ। କମ୍ପାନି କହିଛି ଯେ ଆଇପିଓ ଆୟର ଏକ ବଡ଼ ଅଂଶ ଏହାର ସେଲ୍ ଉତ୍ପାଦନ କାରଖାନାରେ କ୍ଷମତା ସମ୍ପ୍ରସାରଣ ଏବଂ ଗବେଷଣା ଏବଂ ବିକାଶ କାର୍ଯ୍ୟକଳାପ କୁ ସମ୍ପ୍ରସାରଣ କରିବା ପାଇଁ ବ୍ୟବହାର କରିବ। ଆଇପିଓ ଦସ୍ତାବିଜ ଅନୁଯାୟୀ, ଅଗଷ୍ଟ ୬ ରେ କମ୍ପାନୀର ପ୍ରାରମ୍ଭିକ ସେୟାର ବିକ୍ରି ବନ୍ଦ ହେବ । ଅଗଷ୍ଟ ପହିଲାରେ ଆଙ୍କର (ବଡ଼) ନିବେଶକମାନେ ସେୟାର ପାଇଁ ବିଡ୍ କରିପାରିବେ।ଆଇପିଓ ଅଧୀନରେ କମ୍ପାନୀ ୫,୫୦୦ କୋଟି ଟଙ୍କା ପର୍ଯ୍ୟନ୍ତ ନୂଆ ସେୟାର ଜାରି କରିବ। ଏହାବ୍ୟତୀତ ପ୍ରମୋଟର ଓ ନିବେଶକମାନେ ୮.୪୯ କୋଟି ଇକ୍ୱିଟି ସେୟାରର ଅଫର ଫର ସେଲ୍ (ଓଏଫ୍ଏସ୍) ମଧ୍ୟ ଜାରି କରିବେ। ଓଏଫ୍ଏସ୍ ଅଧୀନରେ ଓଲା ଇଲେକ୍ଟ୍ରିକ୍ ର ପ୍ରତିଷ୍ଠାତା ଭାବିଶ ଅଗ୍ରଓ୍ଵାଲ ପ୍ରାୟ ୩.୮ କୋଟି ସେୟାର ବିକ୍ରି କରିବେ। ସୋମବାର ଆଇପିଓର ମୂଲ୍ୟ ବ୍ୟାଣ୍ଡ ଘୋଷଣା କରାଯିବ। ଆଇପିଓ ସେଲ୍ ଉତ୍ପାଦନ କ୍ଷମତା ବୃଦ୍ଧି ଏବଂ ଭବିଷ୍ୟତ ପ୍ରଯୁକ୍ତି ଏବଂ ଉତ୍ପାଦ ଉପରେ ଗବେଷଣା ଏବଂ ବିକାଶରେ ନିବେଶ କରିବା ପାଇଁ ପ୍ରୋତ୍ସାହନ ପ୍ରଦାନ କରିବ