ଡେଙ୍ଗୁରେ କେନ୍ଦ୍ରମନ୍ତ୍ରୀ ଜୁଏଲ ଓରାମଙ୍କ ପତ୍ନୀ ଝିଙ୍ଗିଆ ଓରାମଙ୍କ ବିୟୋଗ
ଭୁବନେଶ୍ବର: ଡେଙ୍ଗୁରେ କେନ୍ଦ୍ରମନ୍ତ୍ରୀ ଜୁଏଲ ଓରାମଙ୍କ ପତ୍ନୀ ଝିଙ୍ଗିଆ ଓରାମଙ୍କ ବିୟୋଗ ଘଟିଛି।। ଡେଙ୍ଗୁରେ ଆକ୍ରାନ୍ତ ହେବାପରେ ଶ୍ରୀମତୀ ଓରାମଙ୍କୁ ଭୁବନେଶ୍ୱରର ଆପୋଲୋ ହସପିଟାଲରେ ଭର୍ତି କରା ଯାଇଥିଲା। ଚିକିତ୍ସାଧୀନ ଅବସ୍ଥାରେ ଆଜି ରାତି ପ୍ରାୟ ୧୦ଟା ୫୦ ମିନିଟରେ ତାଙ୍କର ପରଲୋକ ଘଟିଛି। ତାଙ୍କୁ ୫୮ ବର୍ଷ ହୋଇଥିଲା। ୧୯୮୭ ମସିହା ମାର୍ଚ୍ଚ ୮ ତାରିଖରେ ସେ ଶ୍ରୀ ଓରାମଙ୍କୁ ବିବାହ କରିଥିଲେ। ତାଙ୍କର ଦୁଇଝିଅ ଅଛନ୍ତି। ପ୍ରକାଶଥାଉକି ଶ୍ରୀ ଓରାମ ମଧ୍ୟ ଡେଙ୍ଗୁରେ ଆକ୍ରାନ୍ତ ହୋଇ ଆପୋଲୋରେ ଚିକିତ୍ସିତ ହେଉଥିଲେ । ନିକଟ ଅତୀତରେ ଶ୍ରୀ ଓରାମ ଉତ୍ତରପୂର୍ବ ରାଜ୍ୟଗୁଡ଼ିକୁ ଗସ୍ତରେ ଯାଇଥିଲେ। ସେଠାରେ ଡେଙ୍ଗୁରେ ଆକ୍ରାନ୍ତ ହୋଇଥିଲେ। ତେବେ ପୂର୍ବାହ୍ନରେ ସେ ହସପିଟାଲରୁ ରିଲିଭ୍ ହୋଇଛନ୍ତି ବୋଲି ସୂଚନା ମିଳିଛି। ସୋମବାର ଅପରାହ୍ନରେ ଜନ୍ମମାଟି କେନ୍ଦୁଡିହିରେ ପତ୍ନୀଙ୍କ ଅନ୍ତିମ ସଂସ୍କାର କରାଯାଇଛି l