ଶିକ୍ଷକ ନିଯୁକ୍ତି ଦାବି ରେ ଛାତ୍ରଛାତ୍ରୀ ଓ ଅଭିଭାବକ ସ୍କୁଲରେ ତାଲା ପକାଇଲେ

ନିମାପଡ଼ା: ପୁରୀ ଜିଲ୍ଲା ନିମାପଡ଼ା ବ୍ଲକ ଅନ୍ତର୍ଗତ ଉଛୁପୁର ପଞ୍ଚାୟତ ର ଗଡଚାନ୍ଦପୁର ସ୍କୁଲରେ ପଡ଼ିଲା ତାଲା।ଶିକ୍ଷକ ଅଭାବରୁ ଅଭିଭାବକ ଓ ଛାତ୍ରଛାତ୍ରୀ ମିଶି ସ୍କୁଲ ଗେଟ ରେ ତାଲା ପକାଇଲେ । ଦୀର୍ଘ ଦିନହେବ ସ୍କୁଲରେ ଶିକ୍ଷକ ଅଭାବ ରହିଥିବା ବେଳେ ସ୍କୁଲ କତ୍ତୁର୍ପକ୍ଷ ଓ ଅଭିଭାବକ ବାରମ୍ବାର ମଣ୍ଡଳ ଶିକ୍ଷା ଅଧିକାରୀଙ୍କୁ ଲିଖିତ ଅଭିଯୋଗ କରିଥିଲେ ମଧ୍ୟ ଶିକ୍ଷକ ଅଭାବ ଦୂର ହୋଇପାରିନାହିଁ। ଆଉ ଅଳ୍ପ ଦିନ ପରେ ବାର୍ଷିକ ପରୀକ୍ଷା ରହିଥିବା ବେଳେ କୌଣସି ବିଷୟ ଅଧା ମଧ୍ୟ ପଢା ହୋଇନାହିଁ ବୋଲି ଛାତ୍ରଛାତ୍ରୀ ମାନେ ଅଭିଯୋଗ କରିଛନ୍ତି। ସେମାନଙ୍କ ଦାବି ପୂରଣ ନ ହେବାରୁ ବାଧ୍ୟ ହୋଇ ଆଜି ସ୍କୁଲ ଗେଟ ରେ ତାଲା ପକାଇ ଛାତ୍ରଛାତ୍ରୀ ଓ ଅଭିଭାବକ ମାନେ ଗେଟ ସାମ୍ନାରେ ଧାରଣା ଦେଇଛନ୍ତି।
ସୂଚନାଯୋଗ୍ୟ କି ଉକ୍ତ ବିଦ୍ୟାଳୟ ଟି ରାଜ୍ୟ ଗଣଶିକ୍ଷା ମନ୍ତ୍ରୀ ଙ୍କ ନିଜ ନିର୍ବାଚନ ମଣ୍ଡଳୀ ଅନ୍ତର୍ଗତ ଅଟେ।