ଜେରା ପାଇଁ ‘ଇଡି’ ଅଫିସ୍ରେ ‘କେସିଆର୍’ଙ୍କ ଝିଅ କେ. କବିତା
ନୂଆଦିଲ୍ଲୀ: ଦିଲ୍ଲୀ ଅବକାରୀ ନୀତି ଦୁର୍ନୀତିରେ ମାମଲାରେ ଆଜି ‘ଭାରତ ରାଷ୍ଟ୍ର ସମିତି’ର ‘ଏମ୍ସିଏଲ୍’ ତଥା ତେଲେଙ୍ଗାନାର ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର ରାଓଙ୍କୁ ‘ପ୍ରବର୍ତ୍ତନ ନିର୍ଦେଶାଳୟ’ରେ ଜେରା କରାଯାଉଥିବା ବେଳେ ତାଙ୍କ ଦଳୀୟ କର୍ମୀ ଏବଂ ସମର୍ଥକମାନେ ଦିଲ୍ଲୀରେ ଥିବା ‘କେସିଆର୍’ଙ୍କ ବାସଭବନ ବାହାରେ ସମବେତ ହୋଇଛନ୍ତି।
ସୂଚନାଯୋଗ୍ୟ, ଆଜି ପୂର୍ବାହ୍ନରେ ଜାତୀୟ ରାଜଧାନୀର ତୁଗ୍ଲକ୍ ରୋଡ୍ରେ ଥିବା ବାପାଙ୍କ ସରକାରୀ ବାସଭବନରୁ ବାହାରି କଲୱାକୁନ୍ତଳା କବିତା ଏପିଜେ ଅବ୍ଦୁଲ୍ କଲାମ୍ ରୋଡ୍ସ୍ଥିତ ‘ପ୍ରବର୍ତ୍ତନ ନିର୍ଦେଶାଳୟ’ର ମୁଖ୍ୟାଳୟରେ ପୂର୍ବାହ୍ନ ପ୍ରାୟ ୧୧ଟା ବେଳେ ପହଞ୍ଚିଥିଲେ। ତାଙ୍କର ସମର୍ଥକମାନେ ପ୍ରତିବାଦ ପ୍ରଦର୍ଶନ କରୁଥିବାରୁ ଦିଲ୍ଲୀ ପୁଲିସ ଓ କେନ୍ଦ୍ରୀୟ ପାରାମିଲିଟାରି ଫୋର୍ସ ‘ପ୍ରବର୍ତ୍ତନ ନିର୍ଦେଶାଳୟ’ ନିକଟରେ ବାରିକେଡ୍ ବସାଇଥିଲେ।
ସେପଟେ, ହାଇଦ୍ରାବାଦରେ ବିଭିନ୍ନ ଦଳରୁ ଯାଇ ‘ବିଜେପି’ରେ ଯୋଗ ଦେଇଥିବା ନେତାମାନଙ୍କର ଫଟୋସମ୍ବଳିତ ପୋଷ୍ଟର୍ ସବୁ ଲାଗିଛି ଯେଉଁମାନେ ତଦନ୍ତକାରୀ ଏଜେନ୍ସିର ଚଢ଼ାଉରେ ସମ୍ମୁଖୀନ ହେଉନାହାନ୍ତି।
ସଂସଦରେ ମହିଳାମାନଙ୍କ ସଂରକ୍ଷଣ ଚିଠା ଉପସ୍ଥାପନ ଦାବି କରି ଶୁକ୍ରବାର ଦିନ ‘ଭାରତ ରାଷ୍ଟ୍ର ସମିତି’ର ବରିଷ୍ଠ ନେତ୍ରୀ ତଥା ତେଲେଙ୍ଗାନାର ମୁଖ୍ୟମନ୍ତ୍ରୀ କେ. କବିତା ନୂଆଦିଲ୍ଲୀର ଜନ୍ତର ମନ୍ତରରେ ଦିନିକିଆ ଅନଶନ ଧର୍ମଘଟ କରିଥିଲେ।
ସାମ୍ବାଦିକମାନଙ୍କୁ ସେ କହିଥିଲେ, ମହିଳାମାନଙ୍କ ସଂରକ୍ଷଣ ଚିଠା ଉପସ୍ଥାପନ ବିଷୟ ଦାବି କରି ଦିଲ୍ଲୀରେ ଅନଶନ ଧର୍ମଘଟ କରିବୁ ବୋଲି ମାର୍ଚ ୨ ତାରିଖରେ ଏକ ପୋଷ୍ଟର୍ ରିଲିଜ୍ କରିଥିଲୁ। ପ୍ରବର୍ତ୍ତନ ନିର୍ଦେଶାଳୟ ମତେ ମାର୍ଚ ୯ ତାରିଖରେ ହାଜର ହେବାକୁ ସମନ୍ ଦେଇଥିଲା। ମୁଁ ମାର୍ଚ ୧୬ରେ ହାଜର ହେବି ବୋଲି ଅନୁରୋଧ କରିଥିଲି। କିନ୍ତୁ, ହାଜର ହେବା ପାଇଁ ସେମାନେ ତରବର କରାଇବାର କାରଣ ଜାଣି ପାରୁନି। ତେଣୁ, ମାର୍ଚ ୧୧ ତାରିଖରେ ହାଜର ହେବାକୁ ମୁଁ ରାଜି ହୋଇଛି।