ମାମଙ୍ଗଳା ମହୋତ୍ସବର ଦ୍ଵିତୀୟ ସଂଧ୍ୟା : ଶଙ୍କର ଓ ପ୍ରଜ୍ଞାର କମେଡି

ନିମାପଡ଼ା : ପୁରୀ ଜିଲ୍ଲା କାକଟପୁର ସରକାରୀ ଉଚ୍ଚ ବିଦ୍ୟାଳୟ ପଡ଼ିଆ ରେ ଅନୁଷ୍ଠିତ ତ୍ରୟୋଦଶ ମା ମଙ୍ଗଳା ମହୋତ୍ସବ ର ଆଜି ଥିଲା ଦ୍ଵିତୀୟ ଦିବସ। ଦିତୀୟ ଦିବସ ସଂନ୍ଧ୍ୟାରେ ମୁଖ୍ୟଅତିଥି ଭାବେ ରାଜ୍ୟ ଗଣ ଶିକ୍ଷାମନ୍ତ୍ରୀ ସମୀର ରଞ୍ଜନ ଦାଶ ଯୋଗଦେଇ ଥିଲେ। ଉତ୍ସବ ରେ ସ୍ଥାନୀୟ ବିଧାୟକ ତଥା ରାଜ୍ୟ ଗୃହ ରାଷ୍ଟ୍ର ମନ୍ତ୍ରୀ ତୁଷାରକାନ୍ତି ବେହେରା ସଭାପତିତ୍ଵ କରିଥିବାବେଳେ ସମ୍ମାନୀତ ଅତିଥି ଭାବେ ସମ୍ବାଦ ର ସମ୍ପାଦକ ତଥା ବିଧାୟକ ସୌମ୍ୟ ରଂଜନ ପଟ୍ଟନାୟକ , ଆକାଶ ଦାସ ନାୟକ ପୁରୀ ଜିଲ୍ଲା ପରିଷଦ ର ଉପାଧ୍ୟକ୍ଷ ସ୍ଵାଧୀନ କୁମାର ନାୟକ, ସ୍ଵପ୍ନେଶ୍ୱର ସାହୁ ପ୍ରମୁଖ ଯୋଗ ଦେଇଥିଲେ। ବିଶିଷ୍ଟ କଣ୍ଠଶିଳ୍ପୀ ଦିପ୍ତିରେଖା ପାଢ଼ୀ , ତାଙ୍କ ଦଳ ଓ ସ୍ୱୟଂ ପାଢ଼ୀ ଓ ତାଙ୍କ ଦଳ ପକ୍ଷରୁ ସଙ୍ଗୀତ ପରିବେଷଣ କରାଯାଇଥିବା ବେଳେ ହାସ୍ୟ ଅଭିନେତା ଶଙ୍କର ଓ ପ୍ରଜ୍ଞା ମିଳିତ ଭାବେ ହାସ୍ୟରସ ପରିବେଷଣ କରିଥିଲେ। ସଙ୍ଗୀତ ଓ ନୃତ୍ୟ ରେ ସମସ୍ତ ଦର୍ଶକ ଆଉ ଅତିଥି ଝୁମି ଉଠିଥିବାବେଳେ କମେଡି ରେ ହସିହସି ବେଦମ ହୋଇ ଯାଇଥିଲେ।