ଲଣ୍ଡନରେ ହାଇଦ୍ରାବାଦ ଯୁବତୀଙ୍କୁ ହତ୍ୟା
ଲଣ୍ଡନ, : ଲଣ୍ଡନର ଓ୍ବେମ୍ବଲିରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏଠାରେ ହାଇଦ୍ରାବାଦର ଜଣେ ୨୭ ବର୍ଷୀୟା ଯୁବତୀଙ୍କୁ ଛୁରିଭୁସି ହତ୍ୟା କରାଯାଇଛି।
ସୂଚନାନୁଯାୟୀ, ମଙ୍ଗଳବାର ପୂର୍ବାହ୍ନରେ ଲଣ୍ଡନରେ ଏହି ହାଇଦ୍ରାବାଦ ଯୁବତୀଙ୍କୁ ବ୍ରାଜିଲର ଜଣେ ଯୁବକ ଆକ୍ରମଣ ହୋଇଥିବା ଅଭିଯୋଗ ହୋଇଛି।
ମୃତ ଯୁବତୀଙ୍କ ନାମ କୋନ୍ଥମ ତେଜସ୍ବିନୀ ବୋଲି ଜଣପଡ଼ିଛି। ବାସ୍ତବରେ ଉଚ୍ଚଶିକ୍ଷା ପାଇଁ ଲଣ୍ଡନ ଆସିଥିବା ତେଜସ୍ବିନୀଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା। ମହାନଗର ନିଗମ ପୋଲିସର ସୂଚନାନୁସାରେ, ଅନ୍ୟ ୨୮ ବର୍ଷୀୟା ଆଉ ଜଣେ ଯୁବତୀଙ୍କୁ ମଧ୍ୟ ଆକ୍ରମଣ କରାଯାଇଥିଲା। ତାଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେ ଏବେ ସୁସ୍ଥ ଅଛନ୍ତି।
ଓ୍ବେମ୍ବଲିର ନିଲ୍ଡ କ୍ରେସେଣ୍ଟ ଅଞ୍ଚଳରେ ରହୁଥିବା ତେଜସ୍ବିନୀ ଏବଂ ତାଙ୍କ ରୁମମେଟ୍ଙ୍କୁ ଛୁରିରେ ଆକ୍ରମଣକାରୀ ଆକ୍ରମଣ କରିଥିଲେ। ତେବେ ସୂଚନା ପାଇବା ମାତ୍ରେ ପୋଲିସ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରିଥିଲା। ସେଠାରେ ଡାକ୍ତର ତେଜସ୍ବିନୀଙ୍କୁ ମୃତ ଘୋଷଣା କରିଥିବା ବେଳେ ଅନ୍ୟଜଣେ ଚିକିତ୍ସିତ ହେଉଛନ୍ତି। ତେବେ ପୋଲିସ ଆକ୍ରମଣକାରୀଙ୍କୁ ଗିରଫ କରିଛି।
ହାଇଦ୍ରାବାଦରେ ରହୁଥିବା ତେଜସ୍ବିନୀଙ୍କ ସମ୍ପର୍କୀୟ ଭାଇ କହିଛନ୍ତି, ଅଭିଯୁକ୍ତ ଜଣେ ବ୍ରାଜିଲୀୟ ଯୁବକ ଏବଂ ସେଠାରେ ଏକ ସପ୍ତାହ ତଳେ ରହୁଥିଲେ। ତେଜସ୍ବିନୀ ଗତ ବର୍ଷ ମାର୍ଚ୍ଚରେ ଲଣ୍ଡନ ଯାଇ ମାଷ୍ଟର ଡିଗ୍ରୀ ହାସଲ କରିଥିଲେ।