ମୋତେ ବିଫଳ ଅଧିନାୟକ ବୋଲି କହୁଥିଲେ” : ବିରାଟ କୋହଲି

ନୂଆଦିଲ୍ଲୀ: ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ବିରାଟ କୋହଲି ଦୀର୍ଘ ଦିନ ପରେ ମୁହଁ ଖୋଲିଛନ୍ତି। ତାଙ୍କ ଅଧିନାୟକତ୍ୱରେ କେବେ ବି ଆଇସିସି ଟ୍ରଫି ଜିତି ନାହାନ୍ତି ବୋଲି ହେଉଥିବା ସମାଲୋଚନା ଉପରେ ପ୍ରତିକ୍ରିୟା ପ୍ରକାଶ କରି ବିରାଟ କହିଛନ୍ତି ଯେ କିପରି କିଛି କ୍ରିକେଟ୍-ପଣ୍ଡିତ ଏବଂ କିଛି ପ୍ରଶଂସକ ତାଙ୍କୁ ବିଫଳ ଅଧିନାୟକ ବୋଲି କହିଥିଲେ । କୋହଲି କହିଛନ୍ତି ଯେ ତାଙ୍କ ନେତୃତ୍ୱରେ ସେ ଅନେକ ଥର ଦଳକୁ ନକଆଉଟ୍ ରାଉଣ୍ଡରେ ପହଞ୍ଚାଇଥିଲେ ମଧ୍ୟ ଟ୍ରଫି ନ ଜିତିବା ଦିଗ ଏକ ବଡ଼ ସମାଲୋଚନାର ରୂପ ନେଇଥିଲା ।

ଏକ ପଡକାଷ୍ଟରେ କୋହଲି କହିଛନ୍ତି ଯେ ଟିମ୍ ଟୁର୍ଣ୍ଣାମେଣ୍ଟ ଜିତିବା ପାଇଁ ଖେଳେ । ମୁଁ ୨୦୧୭ ଚାମ୍ପିଅନ୍ସ ଟ୍ରଫି ଏବଂ ୨୦୧୯ ବିଶ୍ୱକପର ନେତୃତ୍ୱ ନେଇଥିଲି, ଯେଉଁଥିରେ ବିଶ୍ୱ ଟେଷ୍ଟ ଚାମ୍ପିଅନସିପ୍ ଏବଂ ୨୦୨୧ ଟି-୨୦ ବିଶ୍ୱକପ୍ ମଧ୍ୟ ସାମିଲ ଥିଲା । କିନ୍ତୁ  ମୁଁ କେବେ ବି ନିଜକୁ ଏହି ଦୃଷ୍ଟିକୋଣରୁ ମୂଲ୍ୟାଙ୍କନ କରିନାହିଁ । ଆମେ ଏକ ୟୁନିଟ୍ ଭାବରେ ବହୁତ କିଛି ହାସଲ କରିଛୁ ଏବଂ ଏହି ସମୟରେ ଦଳରେ ଯେଉଁ ସାଂସ୍କୃତିକ ପରିବର୍ତ୍ତନ ଆସିଥିଲା ତାହା ମୋ ପାଇଁ ଗର୍ବର ବିଷୟ । ଯେକୌଣସି ଟୁର୍ଣ୍ଣାମେଣ୍ଟ ଅଳ୍ପ ସମୟ ପାଇଁ ହୋଇଥାଏ, କିନ୍ତୁ ଦଳର ସଂସ୍କୃତିରେ ପରିବର୍ତ୍ତନ ଦୀର୍ଘ ସମୟ ପାଇଁ ହୋଇଥାଏ । ଆଉ ଏଥିପାଇଁ ଟୁର୍ଣ୍ଣାମେଣ୍ଟ ଜିତିବା ଅପେକ୍ଷା ଅଧିକ ନିରନ୍ତରତା ଓ ବ୍ୟକ୍ତିତ୍ୱ ନିର୍ଦ୍ଦିଷ୍ଟ ଖେଳାଳିଙ୍କ ଆବଶ୍ୟକତା ରହିଛି ।”

ସୂଚନାଯୋଗ୍ୟ ଯେ, ଭାରତ ୨୦୧୧ରେ ବିଶ୍ୱକପ୍ ଏବଂ ୨୦୧୩ରେ ଚାମ୍ପିୟନ୍ସ ଟ୍ରଫି ଜିତିଥିଲା, ସେତେବେଳେ ବିରାଟ ଦଳର ସଦସ୍ୟ ଥିଲେ, କିନ୍ତୁ ଉଭୟ ଥର ମହେନ୍ଦ୍ର ସିଂହ ଧୋନି ଅଧିନାୟକ ଥିଲେ ।