ଗୁରୁ ପୂଜନ କାର୍ଯ୍ୟକ୍ରମ ଅନୁଷ୍ଠିତ

ହୀରାକୁଦ,: ସ୍ଥାନୀୟ ବରିଷ୍ଠ ନାଗରିକ କାର୍ଯ୍ୟାଳୟ,ହୀରାକୁଦ ଠାରେ “ଲାୟନ୍ସ କ୍ଲବ ଅଫ ହୀରାକୁଦ” ଦ୍ୱାରା ଶିକ୍ଷକ ଦିବସ ପାଳିତ ହୋଇ ଯାଇଛି । ଏହି ଅବସରରେ ହୀରାକୁଦ ସରସ୍ୱତୀ ଶିଶୁବିଦ୍ୟା ମନ୍ଦିରର ଅବସରପ୍ରାପ୍ତ ଗୁରୁମା ଶ୍ରୀମତୀ ମିନାକ୍ଷୀ ମହାନ୍ତି ଏବଂ ହୀରାକୁଦ ସହରର ଲୋକପ୍ରିୟ ଗୃହଶିକ୍ଷାକ କୈଳାଶ ଚନ୍ଦ୍ର ସ୍ୱାଇଁ ଙ୍କୁ ସମ୍ମାନିତ କରାଯାଇଛି। ଏହି କାର୍ଯ୍ୟକ୍ରମକୁ ଲାୟନ୍ସ କ୍ଲବ ଅଫ ହୀରକୁଦର ବୀରେନ୍ଦ୍ର ନାରାୟଣ ଜେନା, ଅଜିତ ସିଂ, ନୟନା ପଣ୍ଡା, ବାସୁଦେବ ସେଠି, ନିଳିମା ପଣ୍ଡା ତଥା ଗୋପକୃଷ୍ନ ଦାସ ପରିଚାଳନା କରିଥିଲେ। ଲାୟନ୍ସ କ୍ଲବ ଅଫ ହୀରାକୁଦ ତରଫରୁ ସହରର ଚାରୋଟି ଯାକ ଉଚ୍ଚ ବିଦ୍ୟାଳୟରେ ଚଳିତ ବର୍ଷ ବୋର୍ଡ଼ ପରୀକ୍ଷାରେ ଚାରିଜଣ ସର୍ବଶ୍ରେଷ୍ଠ ସ୍ଥାନ ରଖିଥିବା କୃତି ଛାତ୍ରଛାତ୍ରୀଙ୍କୁ ସମ୍ମାନିତ କରାଯାଇଥିଲା। କାର୍ଯ୍ୟକ୍ରମରେ ଅଂଚଳର ଅନେକ ଛାତ୍ରଛାତ୍ରୀ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରିଥିଲେ।