ଇଭେଣ୍ଟକୁ ଆସୁଥିବା ବେଳେ ଖସିଲା ହେମା ମାଳିନୀଙ୍କ ଗୋଡ଼
ମୁମ୍ବାଇ: ବଲିଉଡର ଡ୍ରିମ୍ ଗର୍ଲ ଅଭିନେତ୍ରୀ ହେମା ମାଲିନୀ ନିଜର ଅଭିନୟ ଏବଂ ସୁନ୍ଦରତାକୁ ନେଇ କୋଟି କୋଟି ହୃଦୟରେ ରାଜ୍ କରୁଛନ୍ତି। ସେ ପରଦାରୁ ଦୂରରେ ଥିଲେ ମଧ୍ୟ ଲୋକମାନେ ତାଙ୍କ ଚଳଚ୍ଚିତ୍ରକୁ ମନେ ରଖିଛନ୍ତି। ତେବେ ଅଭିନୟଠାରୁ ଦୂରରେ ରହି ଅଭିନେତ୍ରୀ ନିଜକୁ ରାଜନୀତିରେ ଏବଂ ନୃତ୍ୟରେ ବ୍ୟସ୍ତ ରଖିଛନ୍ତି। ଏହା ସହ ତାଙ୍କୁ ଅନେକ ଇଭେଣ୍ଟରେ ମଧ୍ୟ ଦେଖିବାକୁ ମିଳୁଛି। ନିକଟରେ ଅଭିନେତ୍ରୀଙ୍କୁ ଏକ ଇଭେଣ୍ଟରେ ଦେଖିବାକୁ ମିଳିଥିଲା ଯେଉଁଠାରେ ସେ ପଡ଼ୁ ପଡ଼ୁ ବର୍ତ୍ତି ଯାଇଥିବା ଦେଖିବାକୁ ମିଳିଥିଲା।ନିକଟରେ ଏକ ଇଭେଣ୍ଟରେ ହେମା ମାଳିନୀଙ୍କୁ ଦେଖିବାକୁ ମିଳିଥିଲା। ଏହି ସମୟରେ ସେ ସବୁଥର ପରି ଏକ ସୁନ୍ଦର ଶାଢ଼ି ପିନ୍ଧିଥିବା ଦେଖିବାକୁ ମିଳିଥିଲା । ଶାଢ଼ି ପିନ୍ଧି ସେ ଆଗକୁ ଚାଲି ଚାଲି ଯାଉଥିବା ବେଳେ ହଠାତ୍ ତାଙ୍କ ପାଦ ଖସିଯାଇଥିଲା। କିନ୍ତୁ ଅଭିନେତ୍ରୀ ତୁରନ୍ତ ନିଜକୁ ନିୟନ୍ତ୍ରଣ କରିନେଇଥିଲେ। ଏହି ସମୟର ଭିଡିଓ ଭାଇରାଲ ହେଉଛି, ଯେଉଁଥିରେ ପାଦ ଖସିବା ପରେ ଅଭିନେତ୍ରୀ ନିଜକୁ ନିୟନ୍ତ୍ରଣ କରି କିପରି ଆଗକୁ ବଢ଼ୁଛନ୍ତି, ତାହା ଦେଖିବାକୁ ମିଳିଛି।