‘ଦ ଭ୍ୟାକ୍ସିନ ଓ୍ବାର୍’କୁ ପ୍ରଶଂସା କଲେ ମୋଦି
ମୁମ୍ବାଇ: ଫିଲ୍ମ ନିର୍ମାତା ବିବେକ ଅଗ୍ନିହୋତ୍ରୀଙ୍କ ‘ଦ ଭ୍ୟାକ୍ସିନ ଓ୍ବାର୍’ ପାଇଁ ଚର୍ଚ୍ଚାରେ ଅଛନ୍ତି। ତାଙ୍କ ଫିଲ୍ମ ୩୦ ସେପ୍ଟେମ୍ବରରେ ପ୍ରେକ୍ଷାଳୟରେ ମୁକ୍ତିଲାଭ କରିସାରିଛି। କିନ୍ତୁ ତାଙ୍କର ଏହି ଫିଲ୍ମ ବକ୍ସ ଅଫିସରେ କିଛି ବିଶେଷ କରିପାରିନାହିଁ। ନିର୍ଦ୍ଦେଶକଙ୍କ ଏହି ଆଶା ଏବେ ଧ୍ୱଂସ ହୋଇଯାଇଥିବା ଜଣାପଡ଼ିଛି। ବିବେକଙ୍କ ଦ୍ୱାରା ‘ଦ ଭ୍ୟାକ୍ସିନ ଓ୍ବାର୍’ ପ୍ରମୋଟ ହୋଇଥିଲା। ଏହା ସତ୍ତ୍ୱେ ଫିଲ୍ମ ବକ୍ସ ଅଫିସରେ ଖରାପ ପ୍ରଦର୍ଶନ କରୁଛି। ଏହି ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ‘ଦ ଭ୍ୟାକ୍ସିନ ଓ୍ବାର୍’କୁ ପ୍ରଶଂସା କରିଛନ୍ତି।
ନିକଟରେ ରାଜସ୍ଥାନର ଯୋଧପୁରରେ ଏକ ରାଲିରେ ପ୍ରଧାନମନ୍ତ୍ରୀ ମୋଦି ‘ଦ ଭ୍ୟାକ୍ସିନ ଓ୍ବାର୍’ ବିଷୟରେ କହିଥିଲେ। ସେ କହିଛନ୍ତି, ଆମ ଦେଶର ବୈଜ୍ଞାନିକମାନେ କରୋନା ସହ ଲଢ଼ିବା ପାଇଁ ଦିନରାତି ପରିଶ୍ରମ କରିଥିଲେ ଯାହାକି ବହୁତ ଭଲ। ଆମର ମହିଳା ବୈଜ୍ଞାନିକମାନେ ମଧ୍ୟ ଆଶ୍ଚର୍ଯ୍ୟଜନକ କାର୍ଯ୍ୟ କରିଥିଲେ। ସେହି ସବୁ କଥାକୁ ‘ଦ ଭ୍ୟାକ୍ସିନ ଓ୍ବାର୍’ରେ ଦର୍ଶାଯାଇଛି। ସେହି ଫିଲ୍ମ ଦେଖିବା ପରେ, ମୁଁ ଗର୍ବିତ ଅନୁଭବ କରେ ଯେ, ଆମର ବୈଜ୍ଞାନିକମାନେ ଏପରି କାର୍ଯ୍ୟ କରିଛନ୍ତି।