ଇରାନ ପ୍ରତିରକ୍ଷା ମନ୍ତ୍ରଣାଳୟ ସମେତ ୧୫୦ ସ୍ଥାନରେ ଆକ୍ରମଣ କଲା ଇସ୍ରାଏଲ

ଜେରୁଜେଲମ,: ଶନିବାର ବିଳମ୍ବିତ ରାତିରେ ଇରାନ ଏବଂ ଇସ୍ରାଏଲ ପରସ୍ପର ଉପରେ ପୁଣି ଥରେ ଆକ୍ରମଣ କରିଛନ୍ତି। ଉଭୟ ପରସ୍ପର ଉପରେ ଅନେକ କ୍ଷେପଣାସ୍ତ୍ର ମାଡ଼ କରିଛନ୍ତି। ଦୁଇ ଦେଶ ମଧ୍ୟରେ ସଂଘର୍ଷ ୪୮ ଘଣ୍ଟା ଧରି ଚାଲିଛି। ଇସ୍ରାଏଲ ଦାବି କରିଛି ଯେ ଏହା ତେହେରାନର ପ୍ରତିରକ୍ଷା ମନ୍ତ୍ରଣାଳୟକୁ ଟାର୍ଗେଟ କରିଛି। ଏହା ବ୍ୟତୀତ ଇସ୍ରାଏଲ ତେହେରାନ ଏବଂ ବୁଶେହରରେ ତେଲ ଡିପୋ ଏବଂ ଗ୍ୟାସ ରିଫାଇନାରୀ ସମେତ ୧୫୦ରୁ ଅଧିକ ଲକ୍ଷ୍ୟସ୍ଥଳକୁ ଆକ୍ରମଣ କରିଛି।ଦୁଇ ଦିନିଆ ଯୁଦ୍ଧରେ ଏପର୍ଯ୍ୟନ୍ତ ୧୩୮ ଇରାନୀଙ୍କ ମୃତ୍ୟୁ ହୋଇଛି। ନଅ ଜଣ ପରମାଣୁ ବୈଜ୍ଞାନିକ ଏବଂ ୨୦ ରୁ ଅଧିକ ଇରାନୀ ସାମରିକ କମାଣ୍ଡରଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ଇସ୍ରାଏଲ ଇରାନୀ ସେନା ମୁଖ୍ୟଙ୍କୁ ମଧ୍ୟ ହତ୍ୟା କରିଛି। ଇସ୍ରାଏଲୀ ଆକ୍ରମଣରେ ୩୫୦ରୁ ଅଧିକ ଲୋକ ଆହତ ହୋଇଛନ୍ତି। ଇରାନର ରାଜଧାନୀ ତେହେରାନ ସମେତ ସାତଟି ରାଜ୍ୟରେ ବାୟୁ ପ୍ରତିରକ୍ଷା ପ୍ରଣାଳୀ ସକ୍ରିୟ କରାଯାଇଛି।ଇରାନୀ ମଧ୍ୟ ଇସ୍ରାଏଲୀ ଆକ୍ରମଣର ଜବାବ ଦେଇଛନ୍ତି। ଇରାନୀ ଇସ୍ରାଏଲ ଉପରେ ୧୫୦ରୁ ଅଧିକ କ୍ଷେପଣାସ୍ତ୍ର ମାଡ଼ କରିଛି। ଇସ୍ରାଏଲୀ ଆକ୍ରମଣରେ ୧୧ ଜଣଙ୍କ ମୃତ୍ୟୁ ହୋଇଛି। ୩୦୦ରୁ ଅଧିକ ଲୋକ ଆହତ ହୋଇଛନ୍ତି। ଇରାନ ଦାବି କରିଛି ଯେ ସେ ତିନୋଟି ଇସ୍ରାଏଲୀ F-35 ବିମାନକୁ ମଧ୍ୟ ଖସାଇ ଦେଇଛି।ଇସ୍ରାଏଲୀ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ତାଙ୍କ ଜନ୍ମଦିନରେ ଅଭିନନ୍ଦନ ଜଣାଇଛନ୍ତି। ସେ କହିଥିଲେ ଯେ ଇସ୍ରାଏଲର ଶତ୍ରୁ ହେଉଛି ଆମେରିକାର ଶତ୍ରୁ। ଆମର ପାଇଲଟମାନେ ତେହେରାନର ଆକାଶରେ ଅଛନ୍ତି। ଆମେ ଖୁବ ଶୀଘ୍ର ଇରାନ ସରକାରଙ୍କୁ ଏପରି ଏକ ଆଘାତ ଦେବୁ, ଯାହା ସେମାନେ କଳ୍ପନା ମଧ୍ୟ କରି ନଥିବେ। ନେତାନ୍ୟାହୁ ଦାବି କରିଥିଲେ ଯେ ଇସ୍ରାଏଲକୁ ଟ୍ରମ୍ପ ଏବଂ ଆମେରିକୀୟମାନଙ୍କର ସମର୍ଥନ ରହିଛି। ଗୋଟିଏ ଦିନ ପୂର୍ବରୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନକୁ ତା’ର ପରମାଣୁ ଯୋଜନା ତୁରନ୍ତ ବାତିଲ କରିବାକୁ ଚେତାବନୀ ଦେଇଥିଲେ ନଚେତ ଏହାକୁ ଗମ୍ଭୀର ପରିଣାମ ଭୋଗିବାକୁ ପଡିବ।