ଭୁବନେଶ୍ୱର : ଗ୍ରାମ୍ୟ ଉନୟନ ବିଭାଗର ନିମାପଡା ଡିଭିଜନର ବ୍ୟାପକ ଦୁର୍ନୀତି ଓ ପିସି କରବାର ହେଉଥିବା ଖବର ସମାଜ ଆଇନାରେ ପ୍ରସାରିତ ହେବା ପରେ ବିଭାଗ ପକ୍ଷରୁ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି,ଅଧିକ୍ଷଣ ଯନ୍ତ୍ରୀ ମୌସମୀ ମିଶ୍ର ଙ୍କ ସମେତ କିଛି କର୍ମଚାରୀଙ୍କୁ ଡିଭିଜନ ରୁ ବଦଳି କରାଯାଇଛି, ସୂଚନା ଥାଉକି ଅଧିକ୍ଷଣ ଯନ୍ତ୍ରୀ ମୌସମୀ ମିଶ୍ର ଡିଭିଜନ ରେ ଯୋଗ ଦେଉ ଦେଉ ଦୁର୍ନୀତିରେ ଲିପ୍ତ ରହିବା ସହିତ ଅସାଧୁ ଠିକାଦାର ମାନଙ୍କ ସହିତ ହାତ ମିଳାଇ ମିଥ୍ୟା ବିଲ କରିବା ସହିତ ନିମ୍ନ ମାନର ରାସ୍ତା, ବ୍ରିଜ ନିର୍ମାଣ କରୁଥିବା ଅଭିଯୋଗ ହୋଇଥିଲା, ଅଧିକ୍ଷଣ ଯନ୍ତ୍ରୀ ଓ ତାଙ୍କ ସହଯୋଗୀ ଠିକାଦାର ମାନଙ୍କ ଠାରୁ ଖୋଲା ଖୋଲି ପିସି ନେଉଥିବାର ପ୍ରମାଣ ସମ୍ପୃକ୍ତ ବିଭାଗୀୟ ସଚିବଙ୍କ ନିକଟରେ ପହଂଚି ଥିଲା,ଯନ୍ତ୍ରୀ ମାନଙ୍କ ଦ୍ୱାରା ପିସି ଆଦାୟ କରି ବିଳାସ ବ୍ୟସନ ଲିପ୍ତ ଥିବା ମିଶ୍ର ମ୍ୟାଡ଼ାମଙ୍କୁ ନିମାପଡା ରୁ ତୁରନ୍ତ ହଟାଇବାକୁ ବୁଦ୍ଧିଜୀବୀ ମାନେ ସମାଜ ଆଇନା ମାଧ୍ୟମ ରେ ସରକାରଙ୍କୁ ନିବେଦନ କରିଥିଲେ, ଅଧିକ୍ଷଣ ଯନ୍ତ୍ରୀ ଙ୍କ ଦୁର୍ନୀତି ଓ ପିସି କାରବାର ପ୍ରବଳ ମାତ୍ରାରେ ବୃଦ୍ଧି ପାଇବା ଯୋଗୁ ଅନେକ ସ୍ଥାନରେ ନୂତନ ଭାବରେ ନିର୍ମାଣ ରାସ୍ତା ସାମାନ୍ୟ ବର୍ଷା ରେ ଧୋଇ ଯାଇଥିଲା, ଯନ୍ତ୍ରୀ ଏବଂ ଠିକାଦାର ସଲାସୁତୁରା ଯୋଗୁ ସରକାରୀ ଅର୍ଥ ହରିଲୁଟ ହେଉଥିବା ଜଣାପଡିବା ପରେ ଗ୍ରାମ୍ୟ ଉନୟନ ବିଭାଗ ପକ୍ଷରୁ ଅଧିକ୍ଷଣ ଯନ୍ତ୍ରୀ ମୌସମୀ ମିଶ୍ରଙ୍କୁ ନିମାପଡାରୁ ହଟାଇ ଦିଆ ଯାଇଛି
