ଭାରତ ସହ ସବୁଠୁ ବଡ଼ ଡିଲ୍ କରିବେ ପୁଟିନ୍
ନୂଆଦିଲ୍ଲୀ, : ରୁଷିଆର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଆଗାମୀ ସେପ୍ଟେମ୍ବର ମାସରେ ଭାରତ ଗସ୍ତ ପୂର୍ବରୁ ରୁଷ ଭାରତକୁ ଏକ ବଡ଼ ପ୍ରସ୍ତାବ ଦେଇଛି। ଏହି ପ୍ରସ୍ତାବରେ ରୁଷ ଭାରତୀୟ ନୌସେନାକୁ ପରମାଣୁ ଶକ୍ତିଚାଳିତ ସମ୍ବରିନ, ପୁନରୁଦ୍ଧାର କରାଯାଇଥିବା କିଲୋ ଶ୍ରେଣୀର ସବମାରାଇନ ଏବଂ ଦୀର୍ଘ ଦୂରତାର କାଲିବର କ୍ରୁଜ ମିସାଇଲ ଯୋଗାଇ ଦେବାକୁ ପ୍ରସ୍ତୁତ ହୋଇଛି। ଏହା ଭାରତର ଜଳସୀମା ଯୁଦ୍ଧ କ୍ଷମତାକୁ ନିଶ୍ଚିତ ଭାବେ ବୃଦ୍ଧି କରିବ।ସୂଚନା ଅନୁସାରେ, ରୁଷିଆ ଭାରତକୁ ଏକ ଦ୍ୱିତୀୟ ଆକୁଲା ଶ୍ରେଣୀର ପରମାଣୁ ଶକ୍ତିଚାଳିତ ଆକ୍ରମଣ ସବମାରାଇନ ଲିଜେରେ ଏବଂ ହସ୍ତାନ୍ତର କରିବାକୁ ପ୍ରସ୍ତାବ ଦେଇଛି। ଏହା ସହିତ ଛଅଟି ପୁନରୁଦ୍ଧାର କରାଯାଇଥିବା କିଲୋ ଶ୍ରେଣୀର ସବମାରାଇନ ଏବଂ ୧୫୦୦ କିଲୋମିଟର ପରିସର ବିଶିଷ୍ଟ କାଲିବର କ୍ରୁଜ ମିସାଇଲ ମଧ୍ୟ ପ୍ରଦାନ କରାଯିବ। ଏହି ପ୍ରସ୍ତାବ ଭାରତର ନୌସେନାର ପୁରୁଣା ସବମାରାଇନକୁ ବଦଳାଇବା ଏବଂ ଆଧୁନିକ ଯୁଦ୍ଧ କ୍ଷମତା ବୃଦ୍ଧି କରିବା ଲକ୍ଷ୍ୟରେ ଆସିଛି।ବର୍ତ୍ତମାନ ଭାରତ ପାଖରେ ୧୭ଟି ପାରମ୍ପରିକ ସମ୍ବରିନ ରହିଛି, ଯେଉଁଗୁଡିକ ଦୁଇ-ତୃତୀୟାଂଶ ୧୯୮୦ ଦଶକରେ କିଣାଯାଇଥିଲା ଏବଂ ଏବେ ସେଗୁଡିକୁ ସେବା ଜୀବନ ଶେଷ ହେଉଛି। ଏହି ପରିପ୍ରେକ୍ଷୀରେ ଭାରତ ନୂଆ ସବମାରାଇନ ଆବଶ୍ୟକ କରୁଛି। ଭାରତ ବର୍ତ୍ତମାନ ପ୍ରୋଜେକ୍ଟ ୭୫ଆଇ ଉପରେ କାମ କରୁଛି, ଯାହା ଦ୍ୱାରା ନୌସେନାର କ୍ଷମତାକୁ ଆହୁରି ବୃଦ୍ଧି କରାଯିବ।ଏହି ଆକୁଲା ଶ୍ରେଣୀର ସବମାରାଇନ ୨୦୨୮ ସୁଦ୍ଧା ଭାରତୀୟ ନୌସେନାକୁ ହସ୍ତାନ୍ତର କରାଯିବ, ଯାହା ୨୦୧୯ରେ ସୱାକ୍ଷରିତ ୩ ବିଲିୟନ ଡଲାରର ଏକ ଆନ୍ତଃସରକାରୀ ଚୁକ୍ତିର ଅଂଶ। ଏହି ସବମାରାଇନ ଅତ୍ୟାଧୁନିକ ୩ଏମ୧୪କେ କାଲିବର (ଏସଏସ-ଏନ-୩୦ଏ) କ୍ରୁଜ ମିସାଇଲରେ ସଜ୍ଜିତ ହେବ, ଯାହାର ଆକ୍ରମଣ ପରିସର ୧୫୦୦ରୁ ୨୦୦୦ କିଲୋମିଟର ପର୍ଯ୍ୟନ୍ତ ରହିଛି। ଏହା ପୂର୍ବ ଯୋଜନାର ୫୦୦-୬୦୦ କିଲୋମିଟର ତୁଳନାରେ ଏକ ବ ଉନ୍ନତି।ଅନ୍ୟପକ୍ଷରେ, ପୁନରୁଦ୍ଧାର କରାଯାଇଥିବା କିଲୋ ଶ୍ରେଣୀର ସବମାରାଇନକୁ ନୋଭାଟର କାଲିବର କ୍ରୁଜ ମିସାଇଲରେ ସଜ୍ଜିତ ହେବ, ଯାହା ଭାରତୀୟ ନୌସେନାର ମାରିଟାଇମ ଏବଂ ସ୍ଥଳଭାଗ ଆକ୍ରମଣ କ୍ଷମତାକୁ ବୃଦ୍ଧି କରିବ। ଏହି ସବମାରାଇନଗୁଡିକୁ ସମସ୍ତ ଛଅଟି ଟର୍ପେଡୋ ଟ୍ୟୁବ୍ରୁ ମିସାଇଲ ଉତକ୍ଷେପଣ କରାଯାଇପାରିବ, ଯାହା ବର୍ତ୍ତମାନର ଭାରତୀୟ କିଲୋ ଫ୍ଲିଟ୍ରେ ମାତ୍ର ଦୁଇଟି ଟ୍ୟୁବ ମାଧ୍ୟମରେ ମିସାଇଲ ଉତ୍କ୍ଷେପଣର ସୀମିତ କ୍ଷମତା ତୁଳନାରେ ଏକ ବ ଉନ୍ନତି।ପୁଟିନଙ୍କ ଏହି ଗସ୍ତ ରୁଷ-ୟୁକ୍ରେନ ଯୁଦ୍ଧ ପରେ ତାଙ୍କର ପ୍ରଥମ ଭାରତ ଗସ୍ତ ହେବ। ଏହା ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୨୦୨୪ ଜୁଲାଇରେ ମସ୍କୋ ଗସ୍ତ କରି ୨୨ତମ ଭାରତ-ରୁଷ ସମ୍ମିଳନୀରେ ଅଂଶଗ୍ରହଣ କରିଥିଲେ। ଏବେ ୨୩ତମ ସମ୍ମିଳନୀ ପୂର୍ବରୁ ରୁଷ ଏହି ପ୍ରସ୍ତାବ ଦେଇଛି, ଯାହା ଆମେରିକା ପ୍ରଦାନ କରିପାରୁନଥିବା କ୍ଷେତ୍ର ଯଥା ପରମାଣୁ ସବମାରାଇନ, ଦୀର୍ଘ ଦୂରତାର କ୍ରୁଜ ମିସାଇଲ ଏବଂ ଏସ-୫୦୦ ଆକାଶ ପ୍ରତିରକ୍ଷା ବ୍ୟବସ୍ଥା ଉପରେ ଗୁରୁତ୍ୱ ଦେଇଛି।ଏହି ପ୍ରସ୍ତାବ ଭାରତର ଇଣ୍ଡୋ-ପାସିଫିକ ଅଞ୍ଚଳରେ ବୁଥିବା ରଣନୀତିକ ପ୍ରତିଯୋଗିତା ପରିପ୍ରେକ୍ଷୀରେ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଆକୁଲା ଶ୍ରେଣୀର ସବମାରାଇନ ଏବଂ କାଲିବର ମିସାଇଲ ଭାରତର ନୌସେନାକୁ ଅତ୍ୟାଧୁନିକ ଯୁଦ୍ଧ କ୍ଷମତା ଯୋଗାଇବ, ଯାହା ଦୀର୍ଘ ଦୂରତାର ଆକ୍ରମଣ ଏବଂ ଜଳସୀମା ସୁରକ୍ଷାରେ ଏକ ନୂଆ ମାଇଲଖୁଣ୍ଟ ସ୍ଥାପନ କରିବ। ଏହି ଚୁକ୍ତି ସୱାକ୍ଷରିତ ହେଲେ ଭାରତ-ରୁଷ ମଧ୍ୟରେ ଦୀର୍ଘକାଳୀନ ପ୍ରତିରକ୍ଷା ସହଯୋଗୀତାକୁ ଆହୁରି ମଜବୁତ କରିବ ଏବଂ ଭାରତର ନୌସେନାକୁ ଆଧୁନିକ ଯୁଗର ଚ୍ୟାଲେଞ୍ଜ ପାଇଁ ପ୍ରସ୍ତୁତ କରିବ।