ମୁଖ୍ୟମନ୍ତ୍ରୀଙ୍କ ସହ ଗୋଟିଏ ମଞ୍ଚରେ ବିଜେଡି ହେବିୱେଟ୍ ନେତା ଅମର

ଭୁବନେଶ୍ୱର,: ଭାରତରେ ଜରୁରୀକାଳୀନ ପରିସ୍ଥିତି ଘୋଷଣାର ୫୦ ବର୍ଷ ପୂର୍ତ୍ତି ଅବସରରେ ଓଡ଼ିଶା ସରକାରଙ୍କ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ପକ୍ଷରୁ ‘ସମ୍ବିଧାନ ହତ୍ୟା ଦିବସ ୨୦୨୫’ ସ୍ଥାନୀୟ ରେଳ ଅଡିଟୋରିଅମଠାରେ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ସହିତ ବିଜୁ ଜନତା ଦଳ (ବିଜେଡି)ର ବରିଷ୍ଠ ନେତା ଆମର ପ୍ରସାଦ ଶତପଥୀ ଯୋଗ ଦେଇଥିଲେ। ଏକ ମଞ୍ଚରେ ଭାଜପା ଓ ବିଜେଡି ନେତାଙ୍କୁ ଏକାଠି ଦେଖି ରାଜ୍ୟର ରାଜନୈତିକ ମହଲରେ ତୀବ୍ର ଚର୍ଚ୍ଚା ଆରମ୍ଭ ହୋଇଛି।ଏହି ଅବସରରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଜରୁରୀକାଳୀନ ପରିସ୍ଥିତି ସମୟରେ ସମ୍ବିଧାନର ମୂଲ୍ୟବୋଧ ଓ ଗଣତନ୍ତ୍ରର ଉପରେ ପଡ଼ିଥିବା ପ୍ରଭାବ ସମ୍ପର୍କରେ ଆଲୋଚନା କରିଥିଲେ। ସେ କହିଥିଲେ ଯେ ଏହି ଦିବସ ଆମକୁ ଗଣତନ୍ତ୍ରର ମହତ୍ତ୍ୱ ଏବଂ ସମ୍ବିଧାନର ସୁରକ୍ଷା ପାଇଁ ସଚେତନ ରହିବାର ଆବଶ୍ୟକତା ସ୍ମରଣ କରାଇ ଦିଏ।ଅନ୍ୟପକ୍ଷରେ, ବିଜେଡି ନେତା ଆମର ପ୍ରସାଦ ଶତପଥୀ ମଧ୍ୟ ଜରୁରୀକାଳୀନ ପରିସ୍ଥିତିର ଐତିହାସିକ ପକ୍ଷପାତ ଏବଂ ଏହାର ରାଜନୈତିକ ଓ ସାମାଜିକ ପ୍ରଭାବ ଉପରେ ଆଲୋକପାତ କରିଥିଲେ। ତାଙ୍କର ଉପସ୍ଥିତି ଏହି କାର୍ଯ୍ୟକ୍ରମକୁ ରାଜନୈତିକ ଦୃଷ୍ଟିକୋଣରୁ ଅଧିକ ଗୁରୁତ୍ୱପୂର୍ଣ୍ଣ କରିଛି, କାରଣ ଭାଜପା ଓ ବିଜେଡି ମଧ୍ୟରେ ରାଜ୍ୟ ରାଜନୀତିରେ ପ୍ରତିଦ୍ୱନ୍ଦ୍ୱିତା ସତ୍ତ୍ୱେ ଏକ ମଞ୍ଚରେ ଏକାଠି ଦେଖାଯିବା ଅସ୍ୱାଭାବିକ।ଏହି ଘଟଣା ରାଜ୍ୟରେ ରାଜନୈତିକ ଚର୍ଚ୍ଚାକୁ ତୀବ୍ର କରିଛି। ଅନେକ ରାଜନୈତିକ ବିଶ୍ଲେଷକ ଆମର ଏବେ ଯେହେତୁ ବିଜେଡି ସହିତ ସକ୍ରିୟ ଭାବେ ଜଡିତ ନାହାନ୍ତି, ତେଣୁ ଆଗକୁ ସେ ଭାଜପାରେ ଯୋଗ ଦେବା ଚର୍ଚା ମଧ୍ୟ ଆରମ୍ଭ ହେଉଛି। ତେବେ, କେତେକ ଅନ୍ୟମାନେ ଏହାକୁ କେବଳ ଏକ ଐତିହାସିକ ଘଟଣାର ସ୍ମରଣୀୟ ପାଳନ ଭାବେ ବିବେଚନା କରୁଛନ୍ତି, ଯେଉଁଠାରେ ରାଜନୈତିକ ଦଳଗୁଡ଼ିକ ଏକାଠି ହୋଇଛନ୍ତି।